«Н.Ә. Назарбаевтың «Рухани жаңғыру» бағдарламасын жүзеге асыру аясында мектеп жасына дейінгі балалардың рухани адамгершілік дамуының негіздерін қалыптастыру» тақырыбында дөңгелек үстел №109 бөбекжай-балабақшасында.

Алматы қалалық Білім басқармасының мектепке дейінгі мекемелеріне арналған дөңгелек үстел Медеу ауданына қарасты «№109 бөбекжай – балабақшасында» өткізілді.

Тақырыбы Елбасшымыз Н.А Назарбаевтың «Рухани жанғыру» мақаласын жүзеге асыру аясында мектеп жасына дейінгі балалардың рухани дамуының негіздерін қалыптастыру аясында болды.

Дөңгелек үстелге Алматы қаласы Білім басқармасының «КӘК», «ГӘЗ» мектепке дейінгі тәрбие мен оқыту бөлімінің әдіскері Алиакбарова Ж.А., әдістемелік бөлімнің мамандары, Медеу ауданды Білім бөлімінің басшысы А.А.Сапарова, қалалық мектепке дейінгі білім беру ұйымдарының педагогтары қатысты.

«Үш тілді білу – жаһандық өмірге жолдама алу» - деп Елбасы Н.Ә.Назарбаев айтқандай, дөңгелек үстеліміздің бірінші бөлімі - «№109 бөбекжай балабақшасының «Рухани жаңғыру» мақаласы аясында өткен 2017 жылғы есебімен басталып, концерттік бағдарламаға ұласты.

Дөңгелек үстелдің негізгі бөлігі «Ел боламын десең, бесігіңді түзе» деп аталды. Н.Ә.Назарбаев: «Бүгінгі күнді түсініп – түйсіну үшін де, болашақтың дидарын көзге елестету үшін де, кешегі кезеңге көз жүгіртуіміз керек» - демекші, рухани құндылықтарымыздың бірі және бірегейі сан ғасырлар бойы ұлттың ұясы, қазақы тәлім-тәрбиенің қайнар көзі, бабамыздан қалған киелі мүлік, бесік жайында пікір алмасу өтті.

Шағын дөңгелек үстелді ұйымдастыру барысында, қазақтың даласындай дархан дәстүріміздің қайнар бастауы бесік, бесік жырын өз деңгейінде түсіндіруге тырыстық. Ғасырлар бойы халықпен бірге жасасып келе жатқан тәрбиенің күре тамыры болып табылатын бесік жырының тарихы өте тереңде жатыр. Жылдар ағымымен сан түрлі өзгеріске ұшырап отырса да, бүгінгі күнде әр шаңырақта шырқалып, жаңарып, жасарып келетіні қуантады.

Дөңгелек үстел соңы педагогтардың ұсыныс, пікірлерімен аяқталды.