Автор: admin 1-03-2017, 07:34
Алматы қаласы Әуэзов ауданы №42 балабақшасында "Эксперименттік зерттеу қызметі мектеп жасына дейінгі балалардың белсенді танымдық дамыту құралы" тақырыбында іс-тәжірибеліктерімен  бөлісу мақсатында аудандық семинар болып өтті.
Аталмыш семинарға аудан балабақшалары әдіскерлері қатысып өздерінің оң бағасын беріп тілектерін білдірді.
 
 Алматы қаласы Әуэзов ауданы №42 балабақшасында аудан әдіскерлеріне арналған АӘБ-тің бағдарламасы бойынша cеминар болып өтті
 

Автор: admin 15-02-2017, 05:40

«Құқықбұзушылықтың алдын алу. Суицидтік іс-әрекеттер және онымен күресу жолдары» тақырыбында ата-аналармен Медеу ауданында жиналыс өттіАлматы қаласы, Медеу ауданындағы  №168 жалпы білім беретін мектептің акт залында «Құқықбұзушылықтың алдын алу. Суицидтік іс-әрекеттер және онымен күресу жолдары» тақырыбында ата-аналармен аудандық жиналыс болып өтті. Аудандық прокуратураның қолдауымен ұйымдастырылған  бұл жиналыста Медеу ауданы прокурорының аға көмекшісі Қ.Ж.Нұрсаметов отбасында болып жатқан кикілжіңдердің жасөспірімдердің өзіне қол жұмсауына әкеліп соқтыратын бірден бір себебі екенін атап өтті. Бірнеше бейнероликтерден үзінділер келтіре отырып, ата-аналармен осы тақырып төңірегінде әңгіме жүргізді.

 

Алматы қаласы Медеуауданы ІІБ ювеналдық полоция бөлімінің басшысы Е.А.Рақысбаев 2016 жыл мен 2017 жылдың қаңтар, ақпан айында тіркелген суицидтік әрекеттер туралы айта келіп, интернет желісіндегі, Вконтакте, инстаграм желілерінде 9-13 жас аралығындағы балалардың «Синий кит», «Тихий дом» «Разбуди меня в 420»және т.б. сайттарға белгісіз себептермен кіріп кетуі салдарынан кей жасөспірімдердің суицидтік іс-әрекеттерге барып жатқаны туралы атап өтті.

 

Алматы қаласы Медеу аудандық білім бөлімінің басшысы А.А.Сапарова мен Медеу аудандық кәмелетке толмағандар істері және олардың құқықтарын қорғау жөніндегі ведосмства аралық комиссиясының бірінші хатшысы Қ.Н.Нұрқасымов ата-аналардың көкейінде жүрген сауалдарға жауап берді.

 

№168 жалпы білім беретін мектептің директоры М.С. Тайкенов ата-аналарға суицидтік іс-әрекеттерге апаратын жолдар туралы бірнеше бейнероликтер көрсету арқылы түсініктеме бере отырып, ата-аналарға сақтану жолдары туралы бірнеше ұсынысты айтып өтті.

 

Біздің болашағымыз -  балалар десек, олардың қауіпсіздігі үшін жан-жақты күресуіміз керек екенін атап өткен «GreeNet» ЖШС директоры А.Жаканов балаларға жағымсыз әсер ететін саиттарға тосқауыл болуға болатыны жайлы айтты және бірнеше мысалдар келтіре отырып, республика көлемінде 8 аймақпен осы жұмыстарды бастап кеткенін де атап өтті.  Ата-аналар А.Жакановтың ұсынысына бірауыздан келісіп, әр ата-ана өз үйлеріне қажетсіз сайттарға бұғаттау қоятын болып келісті.

 

Балалардың өміріне қауіп төндіретін осы сайттармен қоғам болып күресетін болса, еш қорқыныш болмайды. Ол үшін әр ата-ана, әр мұғалім, қоғамның кез-келген өкілі, мемлекеттік қызметкерлер бірлесе, белсенді атсалысатын болсақ, нәтижеге қол жеткізген болар еді. Балалардың өміріне алаңдаушылықтар азаятын еді деген ой келеді.


Автор: admin 8-02-2017, 12:39
 
Әуезов ауданы МКҚК №35 балабақшасында Аудандық әдістемелік семинар өткізілді. Аудандық әдістемелік бірлестікке қатысушыларды балабақшаның меңгерушісінің м.а  Айгерім Касымхановна қарсы алып, бағдарламамен таныстырды.   Семинарда ортаңғы топтың тәрбиешісі Мустафаева Гүлбану "Үш аю" ашық оқу қызметін көрсетті. Оқу қызметінде бүлдіршіндер ертегілерді естеріне түсіре отырып, үш аю ертегісін сахналады.
Балабақшаның психологы Багаева Г.А  келген тәрбиешілермен тренинг жүргізіп,  әдіскер Бакирова З.А  "Жүрек теңіз, қызықтың бәрі асыл тас" атты шеберлік класс жүргізді. Семинарға қатысушылар тасқа сурет салып, өз ойларынан ертегі құрастырып, тасқа салған суреттері арқылы ертегіні сомдады. Келген қатысушылар өздері алған әсерлерімен бөлісті.
 

Ертегі әлемініе саяғат

 


Автор: admin 6-02-2017, 11:14
Универсиада-2017 Жабылу салтанаты туралы толық ақпарат белгілі болды2017 жылғы Универсиадаға дайындалу және өткізу жөніндегі дирекция басшысы Наиль Нуров Алматыдағы Қысқы ойындардың жабылу салтанатында көрермендерді нендей қызықтар күтіп тұрғаны жөнінде айтып берді.
- Қазір кеңінен дайындық жүргізіліп, репециялар өткізілуде, - деп атап өтті Наиль Нуров. – Ашылу салтанаты Универсиаданың ең айтулы әрі басты оқиғаларына айналғаны сөзсіз. Біз қонақтармен, спортшылармен, бапкерлермен, делегаттармен тілдесіп отырамыз, олар жоғары бағасын беріп, жылы лебіздерін білдіруде. Қазір жабылу салтанатына үлкен назар аударылып отырғаны да орынды. Өте керемет, думанды мерекені дайындап жатырмыз. Ол көбіне-көп спортшыларға бағытталған спорт мерекесі болады деп бірден айтып қояйын. Хаттамалық бөлім өте мазмұнды өтпек. Сондай-ақ, баспасөз мәжілісі кезінде ашылу салтанатына қарағанда Ойындардың жабылу салтанатының уақыты айтарлықтай қысқа болатыны жайында айтылды. Салтанат 1,5 сағатқа созылмақ.
- Алда келе жатқан Салтанаттың өткізілу барысы туралы құпияның шетін шығарып айтайын. Келесі Ойындарды қабылдайтын Красноярск қаласының дайындап отырған бас белгісі іс-шараның ең қызықты сәттерінің біріне айналмақ. Красноярсктың үлкен делегациясы құрамында қала басшылығы және үлкен шығармашылық топ келмек.
Ұйымдастырушылар Ойындар жабылатын күні қаланың көлік жүйесі өзгерістерге ұшырайтынын да баса атап өтті.
- Кешке қарай кейбір көшелер жабылады. Салтанат жұмыс күніне түсіп отырғандықтан, қала тұрғындарынан жол кептелісіне тұрып қалмау үшін жеке көлікті қолдануды шектеп, жұмысымызды жеңілдетсеңіздер деп өтінеміз. Бұл Универсиаданың соңғы күні болғандықтан, ойындарды жоғары деңгейде аяқтап, тек жақсы әсер қалдырғымыз келеді.
Студенттік ойындардың жабылу салтанаты 8 ақпан күні сағат 19:00-де «Алматы Аренада» өтеді. Ашылу салтанаты кезіндегідей, көрермендер Орталық стадион және ҚБТУ алаңында жиналып, нысанға жеткізілетін болады.

Автор: admin 26-01-2017, 01:02

Түркісіб ауданының МКҚК №149 бөбекжай-балабақшасында «Спорт-жан серігі» атты ұжым аралық спорттық сайыс ойыны өттіАйтулы мереке қарсаңында, 28-ші  Қысқы Универсиада Алматы-2017  іс-шарасына  Алматы қаласы Түрксіб ауданы №149 бөбекжай-балабақшасыда өз қолдауларын көрсетті. Соның бір дәлелі ретінде балабақша ұжымы арасында    «Спорт-жан серігі»  атты спорттық  эстафеталық сайыс өтті. Отандық спортшыларымызды қолдайтынын көрсетіп, салауаттану-адам жанының да, тәнінің де тазаруы, денсаулығының нығаюы екенін, салауатты өмір салтын ұстануға шақыра отырып , күш, жылдамдық, ептілік қасиеттерін дамыта отырып, өз өнерлерін ортаға салды. Универсиада -2017  спорттық аламанға қолдау және өз үлестерін қосу әр ұжым міндеті деп санады. (Меңгеруші Орманбекова Ш.Б.)


Автор: admin 20-01-2017, 17:26

Универсияданың басталуына санаулы күндер қалдыСтуденттік спорт тарихы сонау 1905 жылдан бастау алады. Сол жылы алғаш рет АҚШ та болыпты. Одан кейін 1959 жылы Унивирсияда атауымен Италяның турин қаласында өткен екен. Содан бері Унивирсияда әлемдегі айшықты халқаралық бұқаралық және мәдени оқиғалардың бірі болып табылады.  

 

Алып шаһар Алматы қалысыда халқаралық 28-i универсияда 2017 қысқы ойындарының басталуына санаулы күндер қалды.  Сынға түсуге 50 ге жуық алыс жақын шет елдерден  спортшылар  келмек. Жарыста  спорттың 13 түрінен  ойындар болады. Атап айтар болса;  шайбалы хокей, мәнерлеп сырғанау, шорт-трек, биатлон, таудан шаңғымен сырғанау  және тағы да басқа. Халқаралық дода қаңтар айының 28 ен бастап, ақпанның 8 не дейін жалғасады.

 

 Айтулы мереке қарсаңында  іс-шараға Алматы халқы жан-жақты дайындалуда. Соның бір дәлелі Алатау ауданындағы «Домиллион» және «Алатау» сауда орталығында  Алатау аудан әкімдігінің   ұйымдастыруымен өткен  «Біз спортшыларды қолдаймыз» атты  концерт . Шараға  №1-ші оқушылар үйінің өнерпаздары қатысып, өз өнерлерін ортаға салды.

 

  Құрманбек Арман «Көк тудың желбірегені», Төлеген  Әсия «Туған жер» әнін орындаса,  Еркеназ би тобы «Павлин» биімен көпшілікті таңқалдырды. Мерекелік жиынға аудан тұрғындары мен қоса аталмыш сауда орталықтарының қызметкерлері де   жиналды. Алатау аудан әкімінің баспасөз қызметі


Автор: admin 12-12-2016, 15:32
Алмалы ауданында «Желтоқсан қаһарманы» атты тарихи сағат өтті№20 кітапхана ұжымы СДБАММИ  мектебінің 6 "А" сынып оқушылары мен сынып жетекшісі Жұмабаева Әйгерім Қанатқызымен  Қайрат Рысқұлбековтың 50 жылдығына орай "Желтоқсан қаһарманы" атты  тарихи сабағын  өткізді. Тарихи сағатымызды еліміздің әнұранынан бастадық. Содан соң іс- шара жүргізушілер еліміздің тарихына қысқа шолу жүргізді.Азаттық қазақ халқының ежелгі арманы еді, ат үстінде өткен кезеңдер көп болды. Азаттық үшін күресте айрықша қылыш сермеді, талай қиыншылықты бастан кешірді. Осындай күресті 1986 жылы 16-18 желтоқсан аралығында Алматы қаласында қазақ халқы басынан тағы да өткізді. Желтоқсан оқиғасына   Қайрат Рысқұлбеков, Ләззат Асанова, Сабира Мұхаметжанова, Ербол Сыпатаев және тағы басқа да қаһармандар қатысқан еді. Тұрсынов Марат Бақытұлы – журналист,   Қайрат Рысқұлбековтың  өмірбаянын, азаттық жолындағы қиыншылығы жайлы балаларға сүреттеп әңгімелеп берді. Қайрат Ноғайбайұлы Рысқұлбеков   13 наурыз 1966, Мойынқұм ауданы Бірлік ауылында дүниеге келген еді. 1973 – 81 жылы   Шу ауданы  Төле би  ауылындағы орналасқан Сәду Шәкіров атындағы мектеп-интернатта оқып, 8 жылдық білім алды. 1986 жылы мамырда әскери борышын өтеп ауылға оралды. Тамыз айында әскери бөлімшенің жолдамасымен Алматыдағы   Сәулет - құрылыс институтына  келіп сынақтан сүрінбей өтіп, оқуға түсті. Осы жылы 16 – 18 желтоқсанда болған қазақ жастарының отаршылдық және әміршілдік жүйеге қарсы  көтерілісіне белсене қатысты. 1987 жылы 16 маусымдағы Үкімімен Рысқұлбеков – ең жоғары жаза – өлім жазасы – атуға бұйырылды. Кейіннен Рысқұлбековтың ату жазасы  20 жылға бас бостандығынан айыру жазасымен ауыстырылды. Бірақ 21 мамыр 1988 жылы ол қайтыс болды.
Желтоқсан көтерілісінің бас құрбаны болған Рысқұлбеков еліміз егемендік алғаннан кейін Қазақстан Жоғарғы Соты Пленумының 1992 жылы 21 ақпандағы шешімімен толықтай ақталды. Оған "Халық қаһарманы" атағы берілді. Тараз қаласында Рысқұлбеков есімімен аталатын демалыс паркі бар. Сондай-ақ онда Рысқұлбековке ескерткіш қойылған.
Марат Бақытұлы кейін балалардың сұрақтарына түгел жауап қайтарды.



Автор: admin 12-12-2016, 15:25

«Бақытты отбасы – бақытты мемлекет»Әйелдерге  қатысты  кемсітушіліктің  барлық  нысандарын  жою  туралы конвенцияның  ережелеріне  сәйкес  жыл сайын  25 қараша «Әйелдерге қатысты  зорлық - зомбылықсыз 16 күн» акциясы «Бақытты отбасы – бақытты мемлекет» атты ұранымен Халықаралық  әйелдерге  қатысты  зорлық - зомбылықты  жою күні  аталып өтеді.

            Отбасы -  бала  тәрбиесінің  ең алғашқы  ұжымы.  Оның ержетіп  өсуі,  бойындағы  алғашқы  адамгершілік  белгілері  отбасында  қалыптасады. Жеке адамның  бойындағы  ар – ұятын, ақыл- ойын, адамгершілігін, мәдениеттілігін  тәрбиелеуде отбасы -  алғашқы қадам болып табылады. Баланың  тәрбиелі  болып өсуіне  берекелі отбасының  әсері өте мол.

Яғни  тәрбиелі отбасында тәлімді  көрген, жадында тоқыған бала, тәрбиенің арқасында  көкірегі ояу, келешегі кемел, болашағы жарқын есті ұрпақ болып өсері сөзсіз.

Осы  іс-шараға  орай,  отбасылық  құндылықтарды насихаттау мақсатында №168 мектеп гимназиясының 5-10 сыныптар арасында  «Бақытты отбасы -  бақытты мемлекет!» тақырыбына сурет және «Менің отбасым- ең бақытты отбасы» тақырыбы бойынша шығарма  байқауы  ұйымдастырылды. Байқау бойынша  Алматы қаласы  Медеу ауданы  әкімдігі жанындағы  әйелдер істері  отбасы-демографиялық  саясат  жөніндегі комиссия мүшелері  тарапынан  сыйлықтар  беріліп, Медеу ауданы ІІБ жергілікті  полиция қызметі  басшысының атынан  сурет  байкауында I  орынды  10 «А» сынып оқушысы Әбілпейіс Әсем, II орынды 5 «А» сынып оқушысы  Құсаинова Аружан, III орынды 7 «А» сынып оқушысы Мұратханова  Жібек, шығарма  бойынша  I  орынды 7 «А» сынып оқушысы Арыстан Ботагөз, II орынды 6 «А» сынып оқушысы  Айдаров Дамир,  III орынды  7 «А» сынып оқушысы  Ермахан  Ақерке  жүлделі орындарға ие болып, мақтау қағаздарымен  марапатталды. 

 Отан, қоғам тыныштығын қамтамасыз ету – абыройлы да, жауапкершілігі жоғары қызмет. Қиын да, жауапкершілігі мол қызметке қарамастан міндеттерін адал әрі жауаптылықпен ішкі  істер  органдарында 1998 жылдан қызмет атқарып келе жатқан  Алматы  қаласы Наурызбай ауданы  ІІБ жергілікті полиция қызметінің  әйелдерді тұрмыстық зорлық- зомбылықтан қорғау  тобының  аға инспекторы  полиция майоры Абылқасымова Ақбота  Болатжанқызы. Бүгінгі күнде  4 бала тәрбиелеп  отырған үлгілі жанұяның  келіні, отбасының  алтын  қазығы.  Отағасы жеке кәсіпкер болып қызмет атқарады. Бұл отбасында  сыйластықта,  түсінік те мол -   бақытты отбасы. Өнегелі  отбасынан  үлгілі ұрпақ өседі деп №168 мектеп гимназиясы оқушыларына өз отбасы және қызметі  жайлы айтып берді.


Автор: admin 8-12-2016, 19:36
Бостандық ауданы аумағында дератизациялау жұмыстарын жүргізу жалғасудаАлматы қаласы Бостандық ауданы аумағында ағымдағы жылдың 6 желтоқсаннан 9 желтоқсан аралығында көп қабатты тұрғын үйлердің жертөлелеріне (шатырларға қажет болған жағдайда) және қоқыс жинау алаңдарына дератизациялау жұмыстары жүргізілуде.

 Аталған жұмыстарға тапсырыс беруші Алматы қаласы әкімдігі, мердігер мекеме – «Дезинфекция орталығының Алматы қаласы бойынша филиалы» Республикалық мемлекеттік коммуналдық кәсіпорны. Дератизациялау жұмыстары кезінде аудан көлемінде орналасқан 1704 көп қабатты тұрғын үйлердің барлығы қамтылатын болады.

  2016 жылдың 6 және 7 желтоқсан күндері жеті жұмыс тобының күшімен 1032 көп қабатты тұрғын үйдің жер төлелеріне дератизациялау жұмыстары атқарылды.

Дератизация  – бұл індет ауруларын тарататын кеміргіштерге қарсы күрес. Дератизация кеміргіштертарататын түрлі аурулардың (оба, туляремия, құтыру, сарып, күйдіргі, сальмонеллез,т.б.) қоздырғыштарын  дер кезінде құрту, олардан сақтандыру үшін жүргізіледі. Сақтандыру үшін тұрғын үйлер мен ғимараттардың астындағы жертөлелерді, қоймаларды, мал мен құс қораларын таза ұстап, азықты тышқан кіре алмайтын қоймаларда сақтайды. Тышқан інін бітейді. Су кемелері тоқтайтын порттарда басқа шет елдерден ауру жұқтыру қаупі бар кеміргіштер тарап кетпеуі үшін халықар. тазалық ережелері мұқият сақталуы керек. Дератизация жүргізгенде механикалық (тор, тұзақ, қақпан қою, т.б.); биологиялық(ит, мысықпен ұстау,оларды қыратын микробтарды пайдалану); химиялық (улы зат, газдар пайдалану) әдістері қолданылады. Әдетте улы, еліктіргіш заттар ретінде крысид, цинкфосфид, зоокумарин, дифторан, стрихнин, фторацетамид, күкіртті ангидрид, т.б. пайдаланылады. Дератизация жұмыстарын қалалар мен жергілікті жерлерде Денсаулық сақтау ісі жөніндегі агенттіктің қызметкерлері, арнайы мед. мекемелер (СЭС, дезостанса), өсімдік қорғау мамандары мен агрономдар атқарады. Дератизация жасалған жерде темекі тартуға, тамақ ішуге болмайды.

Автор: admin 5-12-2016, 19:34

Жетісу ауданында «Бақытты отбасы – салауатты отбасы» тақырыбында іс-шара өткізілдіАғымдағы жылдың 25 қарашасынан 10 желтоқсан аралығында Алматы қаласында «Зорлық зомбылыққа қарсы 16 күн» халықаралық акциясы өткізілуде.

Жетісу ауданы әкімі аппараты аталған акция аясында 02.12.2016 жылы №11 қалалық емханасында №21, «Құлагер» БМККО және Жетісу ауданының ІІБ қызметкерлерімен бірге «Бақытты отбасы – салауатты отбасы» тақырыбында іс-шара өткізілді.

Жетісу ауданы ІІБәйелдердің құқығын қорғау инспекторы Н.А. Мұқанова өзінің тұрмыстық зорлық-зомбылық, әйелдердің өз құқықтары туралы хабарсыздығы, отбасылық-тұрмыстық қатынастар шеңберінде кездесетін құқық бұзушылық мәселелері туралы профилактикалық баяндамасымен таныстырды. «Зорлық-зомбылықсыз үй», «Басқыншылық және кемсітуге шек қою», «Біз әйелдердің зорлығына қарсымыз» ұрандарын ұстанатын қатысушылар акцияға өз қолдауларын және қатынасын білдірді. Сұхбат барысында қатысушылар тұрмыстық саладағы қақтығысты жағдайларды шешуге шынайы қызығушылықтарын танытты. Әрбір қатысушы отбасындағы, достары, теңдестері және қоғам арасындағы зомбылыққа қарсы тұрудың маңыздылығына өз қатынастарын білдіру мүмкіндігіне ие болды.



Создать аккаунт

almatybala.kz

Алматы бала бақшалары

Наурыз

Опрос

Детский сад в каком районе Вас интересует?

Алмалинский
Алатауский
Ауэзовский
Бостандыкский
Медеуский
Турксибский
Жетисуский
Наурызбайский